Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1303_2

<begin>
wij jan ver dieduien sone ghisebrecht ver wijfghoeden sone ende pelegrim de hont scepene in dordrecht orkonden ende kennen
</begin>
<main>
dat vor ons quam winant de pelser ende verghiede dat hi ghehurt heeft jeghen de meesters van den heylighen gheeste die houders sijn van desen brieue jnt erue dar hi nu vp woent also vele alst den heylighen gheeste toebehort jn eweliker huren tjaers om tien scellinghe niewer hollants of twee svarte tornoyse vor eenen penninc vort sel die vorseide winant dat vorseide ghelt gheuen tot tween terminen binnen den jare deene heelft te meyen die naest coemt ende ander helft te sente bauen daghe die darna naest coemt
</main>
<end>
jn orkonden desen brieue ghegheuen jnt jaer ons heren m ccc ende drie des vridaghes vor groete vastenauonde
</end>