Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1309_1

<begin>
wij pieter oudekijn jan die snider ende willaem ossekijn scepenen in dordrecht oerkonden ende kennen
</begin>
<main>
dat haer tieleman die vriese vor ons verghiede dat hi ghegheuen heuet den heylighen gheest in dordrecht tien scellinghen goeder hollantscher iaerliker renten een erue daer jan van leffinghe die scoemakere nu vp woent ende gheleghen es an die hauen side ieghens ver trude bbe kinder huse rech ouer dese rente heuet hi hem ghelouet te waren van allen commer ende van alrehande antale
</main>
<end>
jn oorconde desen brieue ghegheuen int iaer ons heeren m ccc ende neghene des dinxendaghes na sente odulfs daghe
</end>