Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1310_1

<begin>
Wij tieleman die vriese jan die snider ende jan haren gillijs soenen scepenen in dordrecht oerconden ende kennen
</begin>
<main>
Dat voer ons quam Heinric van der maze diehouder es van desen brieue ende verghiede dat hi in gherechter aelmoesen ouer ver lysen ziele sijns wijfs ghegheuen heuet den heylighen gheest in dordrecht een pont ghoeder hollants jaerliker renten eewelike staende in den Erue daer zwarte pieter die cannecoeper nu vpwoent in deser manieren dat ment van des heylighen gheests weghen nimmermeer vercoepen noch ver vreemden mach
</main>
<end>
jn oerconde desen brieue ghegheuen int iaer ons heeren m ccc ende tien des dinxen daghes voer sente clemmens daghe
</end>