Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1313_2

<begin>
Wj jacop die heghelare jan maleghijs haren ghijsbrechts sone ende henric die vriese haren tielmans sone scepene in dordrecht orconden ende kennen
</begin>
<main>
dat voer ons quam hannekijn [] [sone] ende verghiede dat hi vercocht heeft able den visch coeper janne haren hughen sone ghysele den visch coeper coyen den visch[coepe]r pietre willaems sone ende ghiben pouwels sone die houders sijn van desen brieue tordendeel van den erue daer hi nu [ter] [wilen] vp woent dat nu rent een pont hollans siaers ende eenen capoen ende gheleghen es tuschen andries metten schaerden monde an die eene side ende tielen heylich kerke an die ander side Ende si hem daer of betaelt hebben den eersten penninc ende den lesten hierbi heeft hi hem dit voerseide dordendeel van den erue gheloeft te waren alze een vri ghoet van alrehande antale ende van allen commere
</main>
<end>
jn orconde desen brieue ghegheuen int jaer ons heeren M ccc ende dortiene des sondaghes na onser vrouwen daghe te midden oechste
</end>