Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1315_1

<begin>
in dordrecht maken kond ende kenlijc allen den ghennen die desen brief sullen sien jof horen lesen
</begin>
<main>
dat vor ons quam moeghende ver alyd vrouwe van putthe ende van striene met haeren ghecoren voghet ende verghiede dat soe vercoft heeft jhan maleghis haeren gillis zoene maleghis haeren ghisebrechts zoene onzen porters alswilke erven ende renten als hierna ghescreuen staen jn den eersten jnt erve daer dieric scele vp woent dortich scellinghe hollansche siaers met den eghindoeme diere toe behort jnt erve daer heinric van duus scellinghe hollansche siaers met den eghindoem diere toe behort jnt erve daer hanne backer morran zoene vp woend twe ende twintich scellinghe ende sesse penninghe hollansche siaers met den eghindoeme diere toe behort jnt erve daer andrie warts zoen vp woent elf scellinghe ende neghen penninghe hollansche siaers met den eghindoeme diere toe behort jnt erve daer vp woent viertich scellinghe ende drie hallinghe hollansche siaers tgheheel erve daer jmme jhan ghe zoens wedewe vp woende tich scellinghe hollansche siaers tgheheel erve daer haer bartrant sprinc goet vp woent ghelt drie pond ende twaelef scellinghe hollansche siaers tgheheel erve daer han vp woent dat ghelt sesse ende dertich scellinghe hollansche siaers tgheheel erve daer boidins haren zoens steenhuus vp staet an die wijnbrucghe dat ghelt drie ponde viertien scellinghe hollansche siaers tgheheel erve dat ghisebrecht maleghis vorseit betimmert heeft an die zide van der nne dat ghelt drie pond hollansche siaers diere besiden an leghet alse verre als hi den here van toebehorde jn sinen lesten live vort dat huus daer gherard nu ter wilen jn vp dat ghelt pond hollansche siaers tgheheel erve daer ghertrude allekins vp woent dat ghelt viertich scellinghe hollansche siaers tgheheel erve daer maleghys vorseit vp woent siaers tote ghisebrechts steenhuse toe dat ghelt die gaet tuschen toten erve toe daer jhan nu ter wilen vp woent ende der straete streckende ende haere hierof den ersten penning ende den lesten hierbi heeft hemliden dese vorseide renten vri goet van allen commer ende van waert dat hieran ghebrake des sijn borghen haer willem van wenselnessen ghesamender hant ende onghesceiden der stede ende ver alyd vrouwe van putthe ende van striene vornoemt houdenne ende erfachtigheden die moeghen aerghen ende betren vp hemliden die se ghecoft hebben ende van desen vorseiden vte vijf ende viertich scellinghe hollansche siaers ende jhan maleghys jhan haeren gillis zoene ende ghisebrecht maleghys vornoemt striene vorghenoemt scadeloes te houdenne
</main>
<end>
jn kennessen van al deser dinghen so hebben wi desen brief bezeghelt met der stede omme de merre sekerede so hebben wi alyd vrouwe van putthe ende van striene ende willem van wenselnessen knape alse borge jeghenwordighen brief jn kennessen bezeghelt met onsen zeghelen bi der stede zeghel van dordrecht vorseit ghegheuen int jaer ons heren doe men screef dusent drie hondert ende vijftiene sondaghes vor sinte matthys dach
</end>