Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1345_2

<begin>
WJ cleys lompe didderix zoen Barijs heinrix zoen Ende gheraed hamert hughen zoen Scepenen in dordrecht orkonden ende kennen
</begin>
<main>
dat voer ons quam tielman die vriese haren heinric poppen zoen Ende verghiede dat hi vercoft heeft haren heinric prijs priester die houder es van desen brieue twee scellinghe hollansche jaerliker renten ligghende in den erue daer staetse die timmerman nv ter wilen op woent in haren heinrix vriesen strate ende des jaers enen capoen ligghende in den erue daer heine buts hanc nvter wilen op staet ende hem hier af betaelt es den eersten penninc ende den lesten hier bi soe heeft hi hem dese voernoemde twee scellinghe Ende den capoen jaerliker renten gheloeft te waerne als een vri goed van allen commer Ende van alrehande antalen
</main>
<end>
Jn orkonde desen brieue ghegheuen int jaer ons heeren M ccc vijf ende viertich opten twaleften dach in aprille
</end>