Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1399_2

<begin>
Wj ghiisbrecht moelnaer jans soen ghiisbrecht vrancken soen ende gilliis van der halle jans soen Scepenen in dordrecht orconden ende kennen
</begin>
<main>
dat vor ons quam giisbrecht jans soen die te wiue heeft mary jan heys boudijn paerts soens dochter Ende verghiede dat hi vercoft heeft Reynout sarijs reynouds soens soen die houder es van desen brieue Een pont hollants jaerliker renten met den eyghendom die daer toe behoert ende met zes jaren afterstals den lesten termijn verscenen te bamisse nv lest vorleden gheleghen an die poertside opten westhoec van der visschebrigghe in den Erue daer jan harlebeec [op] woende int leste van sinen liue daer philips van beueren nv ter wilen een huus op staende heeft Ende hem hier of betaelt es die eerste penninc ende die lesten hier bi soe heeft hi hem dese jaerlike renten met den [] den afterstal alsoe alst vorscreuen is gheloeft te waren als een vry ghoet van allen commer ende van allen antalen
</main>
<end>
Jn orconde desen brie[ue] [ghegheuen] [int] [jaer] [on]s heeren M ccc neghen ende tneghentich des maendaghes na sinte aechten dach
</end>