Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1434_1

<begin>
Int jaer ons Heren MCCCC viere ende dortich 1 opten dortichsten dach in Augusto wart biden rechter soepenen ende raet ende outraet achthe dekens uut ghemeenre merghenspraeck aenghebrocht dese naghescreven punten ende in coren gheleit 2 te weten
</begin>
<main>
so wie van buten hierbinnen coomt om eenighe goeden van besterffenissen hier te boren ende te hebben 3 dat hi daerof uutreyken ende betalen sal onser stede den tienden penninck 4
Van ballingen
Item so wie ghebannen is of ghebannen wordt ende die binnen zijnre tijt 5 in die stede quame dat den schepenen ende rade kenlic worde bighebrocht datmen dien behoudelicken der boeten in machten te bliven dan binnen Dordrecht halen sal ende rechten dat na uutwizinge zijnre banne Van correxien
Item so wie op correxien gheset is of gheset wordt op mueren te maken of op steen te gheven of dierghelikken inder stede niet te comen zy en hebben die mueren of dien steen verborght 6 optie boete van LX pont ende die binnen zijnre tijt in die stede quame dattet 7 den schepenen ende rade kenlicken worde bighebrocht 8 datmen dien behoudelicken der boeten in machten te bliven binnen Dordrecht halen sal ende rechten dat aen zijn rechterhant dien hy dan verbuert sal hebben
</main>
<end>
</end>