Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1438_1

<begin>
Wart overdraghen ende in koeren gheleyt metten gueden luden vander stede metten ouden raet metten achten ende metten ghemeenen dekens vanden neringhen
</begin>
<main>
dat voertan alle diegheene die bij tyden die proeven ende die aelmisse vanden heylighen geest bynnen der stede tot wat kercken dattet zy ghebruycken ende daghelicx ontfangen als dat na dier luden doot die heylige geestmeesters die by tyden wesen sullen tot wat prochykercken dat gebueren sal sullen die gueden alzo groot ende alzo cleyn alze die luden affterlaten zullen ende hem toebehoren in haren lesten live aenvaerden tot des heyligen geest ende der armer behoeff sonder yements wederseggen ende doen daermede als met anderen des heylighen geest allmisse ende guede als dat daghelicx ghewoentlic ende costuymelic is behoudelic onmondighen kinderen ende des sacraments ghasthuys hoers rechts
</main>
<end>
</end>