Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1484_4

<begin>
</begin>
<main>
Voert wert ghecondicht ende lieten weten die guede luyden vander stede enen yghelijcken alsoe Joest van Muylwijck den borgemeyster ende die guede luyden vander stede te kennen ghegeven heeft dat hy onlancx lede zynen zeghell verloren heeft ende heeft by zynen eedt ghehouden dat hy onder zijnen zeghell nyement sculdich en is soe vercondigen die guede luyden vander stede ende laten weten enen yghelijcken opdat gheen archeyt hierin en gheboere dat nyement desen zeghell en misbruyck ende indien yement waer die hem vermeet van Joest van Muylwijck enyghe obligacie te hebben onder Joest voersz zeghell dat die comen soude tusschen dit ende Bamis naestcomende ende spraeck daermede recht want darenteynde en sell men gheen recht daeroff doen
</main>
<end>
</end>