Compilatiecorpus Historisch Nederlands 1.0 (CHN): ambtelijke teksten 1250-1800: gent_1269_1

<begin>
Weten alle de Ghene die nu sin ende die te Comene sin die dese letteren zullen horen ofte sien
</begin>
<main>
dat jc boidin scride hebbe ghegheven in aelmoesnen vp min huus den spitale van sente jans huus jn ghent tien schelghe jaerlijcs dat thuus staet ouer schelde bi den broeders van den zacke vp ser zeghers parijs lant ende omme dat jc de voerseide boidin wille dat dit vast ende ghestade bliue eweleke so wie dat dat voerseide huus coept ofte huurt soe hebbic dese voerseide ghifte ghegheven voer den here arnoude den banre die es in sprochijspapen stede van sente jans ende voer den here brame ende voer den here janne van den pitte
</main>
<end>
ende jn oerconschepen van deser ghiften soe hebben dese voerseide der arnout ende der braem ende der jan an dese letteren gheanghe hare zeghele Dese letteren waren ghemaecht vp djaer van den incaernatione m cc Lxix jn sente simoens ende sente juuds auonde
</end>