Compilatiecorpus Historisch Nederlands 1.0 (CHN): ambtelijke teksten 1250-1800: gent_1290_1

<begin>
</begin>
<main>
derselghem Dit siin de late die colin van der wedaghe ende ioncvrouwe adele siin wiif hebben daen spliten van sinen lene dat hi houdt van den abdt van sente pieters van Ghent bi wette ende bi wisedomme van den mannen de welke late siin wonende Jn de prochien van Warenghem ende van derselghem ende dese heuet ghecocht onse here dabdt van sente pieters voren ghenoemt Jnt iaer van den incarnatioene ons heren datmen scrift tualef ondert ende xc Gillis van der wedaghe willekin roegekin hannekin ende arnekin sine broedere ende kateline harliede suster siin houdende ghemene v bunre ende i vierendeel lants ende dat ghelt iaerlix xxv d te cense te sente bamesse Willem bronne houdt i bunre ende i alf lants v roeden min ende dat ghelt iarlix iii hauot euenen vp hopt bi curtrike ghemete ende vii 1/2 d ende i 1/24o te sente bamesse Gillekin walekin houdt i alf vierendeel lants ende dat ghelt iarlix xviii d te sente bamesse ende daer vp woent hi Adelise van der wedaghe houdt v vierendeel lants v roeden min ende dat ghelt iarlix v d te sente bamesse Jhan van den heede houdt v vierendeel ende xxv roeden lants ende dat ghelt iarlix v 1/24o ende i alue poitevine te sente bamesse Hannin aelgemont ende heinric siin broeder houden ghemene i bunre ende viii roeden lants ende dat ghelt iarlix ii hoenre ende x d ende i o te sente bamesse ende die hannin aelgemont woent der vp Steuin Steuin van den rade houdt i alf bunre ende xv roeden lants ende dat ghelt iarlix i d ende terdendeel van i poitevine te sente bamesse Summa van den lande xi bunre xii roeden min Van desen vorseiden laten ne heuet de meiere neghene maninghe van scepenen no neghen recht no neghen weerlic erscap no hi mach ebben pale ghelt no put ghelt no ghebode ghelt no negherande erscap hi no niemene sonder onse here de abdt van sente pieters
</main>
<end>
</end>