Compilatiecorpus Historisch Nederlands 1.0 (CHN): ambtelijke teksten 1250-1800: gent_1293_1

<begin>
Hic hughe vter volrestraten poertre jn ghent Make cont ende kenlic hem allen die dese lettren sullen sien ende hoeren
</begin>
<main>
dat hic hebbe vercocht den beghinen van sente lijsbetten vi roeden moers die vonden waren jn haren moer jn ouermaten elke roede omme achtien peneghe parisise dit coumt jn ghelde negen scelghe parisise Ende deese neghen scelghe parisise hebben mi dese voerseide beghinen wel in goeden paimente vergolden
</main>
<end>
Jn orconscepen van deesen lettren die sin gheseghelt met minen seghele Die waren ghemaect ende ghegheuen jnt jaer ons heren doe men screef dusentech tueondert vier waruen tuintech ende dertiene saterdaegs voer alre apostelen dach
</end>