Compilatiecorpus Historisch Nederlands 1.0 (CHN): ambtelijke teksten 1250-1800: gent_1293_2

<begin>
Hic hughe vter volrestraten poertre jn ghent Make cont ende kenlic hem allen die deese lettren sien ende hoeren
</begin>
<main>
dat hic hebbe vercocht een ghemet ende viue ende viiftech roeden moers dien van den gast huse die jn haren moer jn ouermaten vonden waren elke roede omme achtien peneghe dit coumt in ghelde sesse ende tuintech pont parisise ende tualef scelghe ende sees peneghe Ende dit ghelt hebben sii mi wel in goeden paimente vergolden
</main>
<end>
Jn orconscepen van desen lettren gheseghelt met minen seghele die waren ghemaect ende ghegheuen jnt jaer ons heren doe men screef Dusentech tueondert vierwaruen tuintech ende dertiene saterdaegs voer alre apostelen dach
</end>