Compilatiecorpus Historisch Nederlands 1.0 (CHN): ambtelijke teksten 1250-1800: gent_1296_2

<begin>
CYROGRAFE Het si cond allen den ghenen die nu sijn ende hierna wesen sullen
</begin>
<main>
dat woutre ledenart die meester volkers mach clerc was cochte jeghen den her beudine van zuinarde portre in Ghent ter capelrien boef die meester volker gaf ende beuuisede in de kerke van sente verilden te ghent xxiiij sol vlaemschs paiements erueliker renten die men es sculdich te gheldene euuelike van jare te jare elkes jaers te sente bamesse de welke xxiiij sol ligghen in de stede van ghent namelike inde donkersteghe up de hofstede dar ydier pots huus up staet viij sol ende in de ofstede dar naer dar jans vos cousemakers huus up staet viij 1/2 sol ende in de munte up de hofstede dar bernarts huus van musole up staet vij 1/2 sol Orconde eruachtighen lieden in Ghent Euerarde van zuinarde ser beudins broder van zuinarde die vorseit es Willay den groten ende Gillise gramanne dier ouer waren daer der beudin wettelike vte ghinc ende sijn wijf ter capelrien boef sonder enich si
</main>
<end>
Dit was ghedaen in jaer ons heren dat men screef tcarnation Dusentich cc ende xcvi in sente gillis auonde ute ghanghende hoest
</end>