Compilatiecorpus Historisch Nederlands 1.0 (CHN): ambtelijke teksten 1250-1800: gent_1296_3

<begin>
CYROGRAFE Het si cont allen den ghenen die nv sijn <" ende hierna wesen sullen
</begin>
<main>
dat er woutre ledenart die meester volkers maesch clerc was cochte jeghen jonvrouwen aegthen ser euerdeis dochter was huten houe ter capelrien boef die meester volker gaf ende bewide in de kerke sente verilden te ghent xxviij sol ende v d vlaemschs paiements erueliker renten di men es sculdich te gheldene ewelike van jare te jare elkes jaers sente katellinen messe de welke xxviij sol ende v d ligghen in de stede van ghent namelike vp toeghe port vp de ofstede dar pieters speliarts huus vp staet ende hijraf dede warscep alse recht na de wet van ghent gillis van der brigghen aer neue ende euerdei aer broeder Orconde eruachtighen lieden in ghent der willemme van der brigghen hughen den riken ende gillise gramanne dier ouer waren daer jonvrouwe aegthe wettelike hute ghinc ter capelrien bouf sonder enich si
</main>
<end>
dit was ghedaen in jaer ons here dat men screef tcarnation mcc ende xcvi sdisendaeghs na sente lambrechts dach sceef
</end>