Compilatiecorpus Historisch Nederlands 1.0 (CHN): ambtelijke teksten 1250-1800: gent_1297_1

<begin>
HEt si cont al den ghenen die dese lettren zullen zien ende hoeren lesen
</begin>
<main>
dat joncvrouwe gheertruud de bakinne groet meesterigghe van sente lijsbetten oue bi ghent heeft vercocht ioncvrouwe mergrieten van heeke x sol vlaemsche iaerlijx eweleke staende omme c sol vlaemsche wel uergolden ende ghetelt de welke voerseide c sol waren gheleit an lant te basseuelde de welke voerseide x sol zullen bliuen den zieken in de fermerie heeweleke staende Ende daer omme sal men gheuen elkes jaers elken zieken in onser vrouwen daghe in devastinen eene pinte wijns ende visch in alemoesenen ouer de voerseide ioncvrouwe mergriete te haren jaerghetide
</main>
<end>
</main>
<end>
Ende omme dat wij willen dat dit goet vast bliue ende ghestade So heist ghezeghelt met sprihoers zegle van den jacopinen ende met den zegle van der fermerien van den houe Dit was ghedaen jn jaer van den incarnatioene ons heeren doe men screef mcc ende xcvi sdonredaghes voer palmesondach
</end>