Compilatiecorpus Historisch Nederlands 1.0 (CHN): ambtelijke teksten 1250-1800: gent_1297_2

<begin>
hic boidin huten houe doe te wetene allen din genen din nu sin ende hir na wesen sullen
</begin>
<main>
dat hic min herre minen her ianne bristete ende mire vrouwen mire suster sin wif gheue macht ge ligt oft hict selue dade te geuene die capelrihe die onse houder moeder stigte in senter niclaus kerke ianne onsen neue ian sonis sone oft te ianne den clerc die met minen here onsen vader wonde oft the welken dat gi se geft van desen tuen dat houdic ge stade ende
</main>
<end>
om dat hic die gifte vaste ende ge stade wil houden die gi geuen sult ge lic dat hir vor seit es soe hebbic dese lettre be segelt met minen properen segele in horconscepen de welke warren gegeuen int iar ons seren alse men scrift mcclxxxx ende vii sdisen dahs na passcen
</end>