Compilatiecorpus Historisch Nederlands 1.0 (CHN): ambtelijke teksten 1250-1800: gent_1297_5

<begin>
Het si cont allen den ghenen die lettre sullen sien ofte horen lesen
</begin>
<main>
dat jc aghte vter volrestraten groete meestrigghe van der hoyen vp droech den here jn handen ter fermerien boef van der hoyen iiij lib ende xij d siars Ende dese vorseide aghte groete meestrigghe van der hoyen ontfinc weder dese vorseide iiij lib ende xij d ter fermerien boef van der hoyen alse sterfelic wijf Dat es te verstane alse dese vorseide aghte steruet soe moet comen een persoen ofte ene personicke Ende versoeken dese vorseide iiij lib ende xii d Ter fermerien boef van der hoyen Ende dese vorseide iiij lib ende xij d sijn ghelegen onder den abt van sente pieters jn die prochie van latem Ende daer om trent Ende ouer dese vorseide sticken soe was jan van der beke woutre van den hulle willem burevoet ende heinric van heke alse scepenen ende heinric de meier van maelte alse man van scepenen Ende gillis van der beke alse de ghene diere was wan sheren aluen
</main>
<end>
Ende alle dese vorseiden sticken die waren ghedaen jnt iaer ons heren alse men screef Dusentech Tuehondert Ende sesse ende neghentech Donresdages voer sente marien licht messe
</end>