Compilatiecorpus Historisch Nederlands 1.0 (CHN): ambtelijke teksten 1250-1800: gent_1298_4

<begin>
Het si cont al den ghenen die dese lettren sullen zien ende oeren lesen
</begin>
<main>
Dat alise van lede ende ghetrut ser abiins kinder van den kerchoue hebben gh[e]geuen den heylengen geest van sente lysebetten bi gent xx s eulike na hare beeder lief ob i haelf buenre lants eygen xxv roeden min den armen te hulpen haerre noet De welke alise ende ghertrut willen dat men doe har iarghetide van den vorseiden gelde ende hars vaders abiins ende hare moeder ver bielen Dit orcont der laurens onse prochipape ende woutre van lede pieter van der meere scepene woutre van s[pe]xart scepene arnout van riemersch scepene ende seghere van den drietse scepen[e] [ende] [vele] [and]re goede liede
</main>
<end>
Ende omme dat wi willen dat dit vast bliue [ende] [gestade] so heist ghezeghelt met den zegle oens prochipapen ende met den zegle van der fermerien met wouters zegle van lede ende met den zegle tseilech geest van den houe Dit was ghedaen int iaer van den incarnatioene ons heeren doe men screef mccxc viii
</end>