Compilatiecorpus Historisch Nederlands 1.0 (CHN): ambtelijke teksten 1250-1800: gent_1328_2

<begin>
het si cont allen die nu sijn ende hier na wesen sullen
</begin>
<main>
dat jacomijn waelkijn heft gegeuen lieuine van astine couuernere van sente jacops huus te sente jacops huus bouf iiii scellinge ende ii denier parisise elkes jaers vp de herue daer ian steuins huus vp staet vp den santberch terde huus van der hoger port neder waert Ende lieuijn vorseit heft geloft alse couuernere ouer thuus ende ouer de gene die na hem ouer thuus wesen sullen dat men de iiii scellinge ende ii denier vorseit euwelike geuen sal teere petancien van wine vp den paeschdach elkes jaers den aermen ouer jacomijns siele ende ver kateline sine wiue was Ende dese vorseide iiii scellinge ende ii denier es men sculdech te kersauonde hier ouer ware[n] alse eruacht[ic]ge liede der boidin van rauenscoect ende der gillis honijn ende der rase van den wale
</main>
<end>
dit was gedaen jnt jaer ons heren M ccc ende xxviii vp sente maercs dach
</end>