Compilatiecorpus Historisch Nederlands 1.0 (CHN): ambtelijke teksten 1250-1800: gent_1375_1

<begin>
KEnlic zij allen lieden
</begin>
<main>
Dat alse van eenen pond groter tornoyse siaers erueliker ende eeuweliker Renten die jan van tempelberghe w[o]itins sone van tempelberghe vortijds cochte ende ghecreegh jeghen Oliuiere van ael[bome] ende joncvrouwe jehanen sinen wetteliken wiue beset ende versekert jnder manieren dat een tsartere beseghelt m[i]t Sballius ende der manne seghele jans vander wostinen jnheeft ende verclaert So hebben lieuin van huusse ende godeueert uten berken ghekent ende verlijt dat zijt dit pond groter tornoyse siaers erueliker Renten hebben vercocht wel ende Redelike den prouiseurs ter aermer bouf vander weuers huus Omme eene sekere Somme van ghelde daer af dat hemlieden de vorseide lieuin ende godeueert kenden vermoet betaelt ende al ghenouch ghedaen vanden prouiseurs vorseit ghelouende voort ouer hemlieden ouer haerlieder hoir ende nacommeren te deser erueliker Renten noch ten tsartere Nemmermeer te sprekene noch enigh Recht der an teesschene in enigher manieren
</main>
<end>
Dit was aldus ghedaen jn scepen Camere jnden ghemeenen huop van scepenen vander kuere in ghend den xv dach van sporcle alsmen screef M CCC tseuentich ende viue jnt scependom her symoens vanden pitte her Symoens vanden pitte her jans mayhins ende harer ghezellen
</end>