Compilatiecorpus Historisch Nederlands 1.0 (CHN): ambtelijke teksten 1250-1800: gent_1413_1

<begin>
</begin>
<main>
Wy ghebieden van ons heeren 's Graven halven van baillius ende scepenen halven dat voochden van weesen derselver weesen ghelt nyet langher uut en gheven ten pensioene dan totter tyt dat de weesen danof zy voochden zyn vuljaert zullen zyn omme seker ghebreken die men vonden heeft in 't uutgheven van den ghelde ten pensioene
Ende waert dat zake dat eenighen weesen van noode ware langher pensioen te heffene mids den armen state van den weesen oft' anderssins zo zullen de voochden van dien weesen commen voor scepenen ende gheven den staet te kennene ende dien ghehoort scepenen zullen daer in doen al dat redene ende recht bewysen zal
</main>
<end>
Uutgheleit in Kersavonde ao XIIIIc XIII in scabinatu her Jan Willaert enz scepenen van der kuere ende in 't scependom her Ghelnot Damman her Pieter Van der Muelen enz scepenen van ghedeele
</end>