Compilatiecorpus Historisch Nederlands 1.0 (CHN): ambtelijke teksten 1250-1800: gent_1437_1

<begin>
Wy ghebieden [etc]
</begin>
<main>
Dat achtervolghende der antwoorde commende uuten groeten rade van deser stede alle manieren van lieden van buten vertrec houdende die hem vermeten an 't poorterscep van der stede van Ghend binnen XIIII nachten eerstcommende zo verre doen als dat zy pandelicx goeds zo vele hebben ter plaetsen daer zy hare woenste houden binnen deser voorseider stede als dat zulc goed verandwoorden moghe de sculden die zy wettelic voor wette van Ghend voorscreven bekent hebben of bekennen zullen ofte dat de huusheeren van hemlieden zulke sculden selve verandwoorden ofte emmer dat zy also vele pandelicx goeds hebben als de zelve scult ghedraghen moghen ende in 't cas daer hier af eeneghe van den voorseiden poorteren in ghebreke waren so sal men voeren besocht zynde hoe vele pandelicx goed de voorseide poorteren buten vertrec houdende binnen der voorseider stede hebben zullen up haerlieder goet buten moghen procederen by duerstecken van deser voorseider stede ghelyc up de ghediede personen ende hadden zulke poorteren gheen goed omme wettelike inninghe te vercrighene van haren sculden so es te verstane dat men danne binnen deser voorseider stede up hemlieden sal moghen volghen bi vierscharen ofte andersins naer de wet van der poort
</main>
<end>
Actum ut supra
</end>