Compilatiecorpus Historisch Nederlands 1.0 (CHN): ambtelijke teksten 1250-1800: gent_1446_1

<begin>
</begin>
<main>
Wy ghebieden [dat] [niemen] [wie] [hy] [zy] 1 hem steke in hoyrie omme goed te deelne hy en zy maech of gherecht deelnemere daer hy goed af deelen wille Ende al waert dat yement in ghedeele quame van eener versterfte dat hy ghehauden zal wesen hoirie ende maechsibbe te doen stane ende blikene te wette al eer hy van der selver versterfte eenich goed deelen of upheffen mach Ende dat niement en zal moghen andren kennen zyne hoirie ende maechzibbe maer zal elc die moeten prouven al waert datter gheen partie jeghen quame het en ware in zulke versterfte daer de maechzibbe claer ende openbaer ware ende dats up den ban van X jaren
</main>
<end>
Aldus uutgheleit den XIIIIten dach in lauwe anno XIIIIc XLV in 't scependom 's her Jans Vander Zype ende 's her Henrics Vander Pale ende haren ghesellen scepenen van der kuere ende's her Philips Sersanders 's her Arents Brunen ende haren ghesellen scepenen van ghedeele
</end>