Compilatiecorpus Historisch Nederlands 1.0 (CHN): ambtelijke teksten 1250-1800: gent_1483_1

<begin>
Actum VIIa marcii anno LXXXII
</begin>
<main>
Omme te belettene de borchtochten financhen ende quade coopmanscepen die diversche jonghers commen zynde ter redelycker haudde wesende in regemente van voochdien vervoorderen te doene t'harer grooter scade ende achterdeele ende ooc ten bedroghe scade ende achterdeele van den ghuenen die hemlieden gheloove gheven so es ter waerscuwinghen van elcken gheordonneert dat men van nu voort an alle jonghers in regemente van voochdien hauden sal by scepenen van ghedeele toot dat zy commen zullen zyn ter audde van vive ende twintich jaren het ne zy dat zy by huwelicke ofte anderen behoorlyken middele daer uute ghedaen ende haer selfs ghemaect werden ende zullen alle borchtochten financhen ende quade coopmanscepen die binnen den tyde harer voochdie ghedaen zullen wesen gherekent zyn ydele van gheender weerde ende de weesen ende haerlieder goedynghen hoyrs ende naercommers danof gheabsolveert ende ontsleghen t'eeuweghen daghen ende indien het noot zy dezelve jonghers commen zynde ter voorscider oudde van vive ende twintich jaren langhere in voochdien ghehauden te werdene dat maghen ende vrienden datte doen zullen by scepenen van der kuere naer de costume in zulken saken onderhauden
</main>
<end>
</end>