Compilatiecorpus Historisch Nederlands 1.0 (CHN): ambtelijke teksten 1250-1800: gent_1531_1

<begin>
</begin>
<main>
Schepenen van ghedeele in Ghendt ghehoort den eesch voor hemlieden in cameren ghemaeckt by Marten De Croock over her Lodowyck Vydts religieus ende uppercoster van Sinte-Pieters clooster by Ghendt mitgaders prochipapen van Sinte-Jans kercke binnen deser stede versouckende Adriaen Van der Hasselt gheheel hoyr van zyn joncvrouwe moeder was ghecondempneert te werdene hemlieden op te legghen ende betaelne de somme van twee ponden grooten over de redemptie vander uutvaert vander voorseyde zyne moedere was ofte over de ziele van haer in de voorseyde kercke eene uutfaert te doene zulck als hy over haer ziele in de kercke van Sinte-Jacobs hadde doen doen daer zou begraeven was mits dat sou prochiane van voorseyde kercke van Sinte-Jans deser weerelt overleden was ende naerdien dat de verweerdere van antwoorde versteken was insghelicx gheoort 't ooconrschap te schepenen waerts commende zynde ende dat de voornoemde verweerdere van reprochen oock versteken was
Wysen ende condempneren de verweerdere over de ziele van zyn moeder was eene taemelicke uutfaert te doene in de kercke van Sinte-Jans ofte by ghebrecke van dien den heesschere te betaelene de twee ponden grooten dies questie es ende de costen van desen ter tauxatien
</main>
<end>
Actum den xiijen novembre vyf thien hondert eenendertich
</end>