Compilatiecorpus Historisch Nederlands 1.0 (CHN): ambtelijke teksten 1250-1800: gent_1547_1

<begin>
</begin>
<main>
Scepenen van der kuere in Ghendt ghehoort hebbende tverbael versouc voor hemlieden in cameren ghedaen by Lievin Tyncke filius Oliviers als cypier vanden chastelette vanghenesse deser stede omme den officiers ende dienaers der zelver verboden ende gheinterdiceert thebbene dat zy gheene ghevanghenen vuten zelven chastelette halen noch leeden en zouden die hem ghelevert waren van schulden ofte civile zaken dan by expressen laste ende consente van scepenen ofte den ghonen te wiens versoucke zy int zelve vanghenesse gherecommandeert waren ghemeerct dat zy daghelicx tzelve useerden daer by hy verzouckere groot pericle ende schade ghescepen ware thebbene so eist dat scepenen voornomt hier uppe ghehoirt hebbende eeneghe van den zelven dienaers elcken verboden ende gheinterdiceert hebben verbieden ende interdiceren by dezen meer eeneghe ghevanghenen vuter zelver vanghenesse te halene ofte leedene dan by expressen consente van den ghonen te wiens versoucke zy ghevanghen zyn ten ware ten versoucke van scepenen ende om in justicien jeghens hemlieden ghehoort tzyne den zelven cypier by dezen ooc interdicerende zulcke ghevanghenen andersins nyet te laten gaene up de pene van alle costen schaden ende interesten an hem cypier gherecouvreert te werdene
</main>
<end>
Actum den twintichsten octobris XVe zeven ende veertich
Gheteeckent A Buridan
</end>