Compilatiecorpus Historisch Nederlands 1.0 (CHN): ambtelijke teksten 1250-1800: gent_1548_1

<begin>
</begin>
<main>
Schepenen van der keure in Gent up 't versoeck voor hemlieden ghedaen by supplicatie van weghen mer joncvrouwe de weduwe van wylent Mr Joos Triest mitsgaders Phelips ende Joos Triest huere zonen omme t' hebbene 't verclaers ende interpretatie van scepenen voornomt of sy Phelips ende Joos voorseyt d'een van hemlieden ghedient hebbende ende d'ander ieghenwordelick dienende als vinderen deser stede by der creatie ende constitutie van huerlieder persoonen in de voorseyde officien van justicie bedeghen waren ende nu zyn huerlieder selfs ende uuyt protectie van vooghdyen ende up 't selve versoeck ripelick ghelet hebbende hebben verclaerst ende verclaersen by dezen den voornomden Phelips ende Joos ende elck huerer sonderlynghe mits der constitutie ende creatie in de voorseyde officien ende 't bedienen van dien over gheemancipeert ende uuyte regemente van vooghdye wezende van welcken verclaerse naer requisitie van der voornomder joncvrouwe ende huere voornomde zonen hemliden gheconsenteert is gheweest deze acte
</main>
<end>
Actum in 't collegie den 20 in sporcle 1547
</end>