Compilatiecorpus Historisch Nederlands 1.0 (CHN): ambtelijke teksten 1250-1800: gouda_1333_1

<begin>
WJ arnout panelekin jan lysen soene ende jan willem lakenmans soene scepene jn der Goude orkonden
</begin>
<main>
dat quam voer ons Diederich veneman ende lyede dat jegen hem ghecoft heuet heijnrich koke die houdere es van dezen brieue een pont jars an renten jn goeden hollanschen paymente jof in payemente dat alsoe goet es eweliken standen vp dat huis ende erue dat es gelegen nort wart ane der port graft ten cleywege uitwaarts ende hadde ghewezen jacobs van seuenhuzen ende diederich veneman cofte jegens den rente meyster van [] alle jare te betalen alle jaere met peningen jof met panden alse recht es vp alre goeds heylegen dach
</main>
<end>
Omme dat dit Waer es vaste ende gestade sel bliuen soe hebbe wi scepene voergenoemt dezen brief besegelt met onsen segelen Ghegeuen des vridaeges na sente lambrechts dach jnt jaer ons heren m ccc ende drieendertich
</end>