Compilatiecorpus Historisch Nederlands 1.0 (CHN): ambtelijke teksten 1250-1800: gouda_1335_2

<begin>
WJ jan de witte nannekins soene claus van der thille ende jacob clinckart Scepene jn der Goude orkonden met dezen jeghenwoordegen brieue besegelt met onzen seghelen
</begin>
<main>
Dat quam voer ons clais die vlugger ende lyede dat hi schuldich es heinrick koeken houder van desen brieue een pond goeden hollansch jars an renten eweliken the stane vp sin huis ende erue Dat hi legghende heuet vp der goude ende heuet beleghen met erue arnoud die witte vp die oest side ende Wouter adaems soene vp die west side alle jaere the betalen met penninghen jof met panden vp den meye dach den derden penninghe beter verloren tenden viertiendaeghen
</main>
<end>
Ghegheven des saterdaeghes na des heilichs crucen dach jnt jaer ons heren m ccc ende viuendertich
</end>