Compilatiecorpus Historisch Nederlands 1.0 (CHN): ambtelijke teksten 1250-1800: gouda_1336_1

<begin>
WJ arnout die witte kerstiaen bruninx soene ende diederich witten neve scepene jn der Ghoude orkonden ende kennen
</begin>
<main>
dat quam voer ons arnout rijhout ende lyede dat hi schuldich es heijnrich koeken die een houder es van desen brieue een pont goeder hollansch jars an renten eweliken the staene vp siin husinghe ende vp siin erue dat hi cofte jeghens heren peter den pape van den gasthuse gheleghen oest wart van der kerken ende heuet beleghen met erue griete des naijers suster vp die oest side ende melis vp die west syde alle jaere the betalen binnen meye met peninghen jof met goeden panden verloren alse recht es van erfrenten
</main>
<end>
Ende omme dat dit vaste ende ghestade sal bliuen eweliken onverbroken soe hebbe wi scepene voerghenoemde desen brief beseghelt met onsen seghelen Ghegheuen des sonnendaghes vp midfasten jnt jaer ons heren m ccc ende sesendertich
</end>