Compilatiecorpus Historisch Nederlands 1.0 (CHN): ambtelijke teksten 1250-1800: gouda_1336_2

<begin>
WJ kerstiaen bruninx soene diederich witten neve ende jan die lakenman scepene jn der Goude orkonden met desen brieue beseghelt met onsen seghelen
</begin>
<main>
dat quam voer ons ghisebrecht kerstiaen soene ende lyede dat hi schuldich es florens den houtman houdere van desen brieue viif schellinghe goeder hollansch jars an renten eweliken te stane vp siin huis ende erue daer hi woent ende heuet beleghen met erue jan gheret soene vp die zuitside ende heijnrich allart soene vp die nortside alle jare te betalen tsente jacobs misse jn der goude marcht met peninghen jof met panden verloren tenden viertiendaghen
</main>
<end>
ghegheuen des manendages voer der elf dusent magheden dach jnt jaer ons heren m ccc ende sessendertich
</end>