Compilatiecorpus Historisch Nederlands 1.0 (CHN): ambtelijke teksten 1250-1800: gouda_1336_3

<begin>
WJ florens houtman kerstiaen bruninx soene ende jan die lakenman scepene jn der Goude orkonden met desen brieue beseghelt met onsen seghelen
</begin>
<main>
dat quam voer ons sasbout quaet soene ende lyede dat hi schuldich es katerinen arnouts witten houdere van desen brieue viif scellinghe goeder hollants jars an renten eweliken tinfte stane vp siin huis ende erue dat hi heuet jn groenendael ende heuet beleghen met erue vaderijs vp die ene side ende laurens rosekiin vp die ander side alle jare te betalen tsente jacobs misse jn der goude marcht met peninghen jof met goeden panden verloren alse recht es
</main>
<end>
Ghegheuen des saterdaghes na sente nicolaus dach jnt jaer ons heren m ccc ende sessendertich
</end>