Compilatiecorpus Historisch Nederlands 1.0 (CHN): ambtelijke teksten 1250-1800: gouda_1336_4

<begin>
WJ Willem die witte Jan lijsen soene ende jonghe florens houtman scepene jn der Goude orkonden met desen brieue besegelt met onsen seghelen
</begin>
<main>
dat quam voer ons Diederich die priker ende lyede dat hi schuldich es willaem ludolf soene houdere van desen brieue viif scellinghe goeder hollansch jars an renten Jof met sulken paymente dat der jeghens ghaet te betalen alle jaere tsente jacobs misse jn der goude marcht met peninghen jof met goeden panden verloren alse recht es van erfrenten welke viif schellinghe jars eweliken staende sullen bliuen vp sin huis ende erue dat hi heuet vp dit ende van den cleyweghe ende heuet beleghen met erue roelof vp der suitside ende gherart van aken vp der nortside
</main>
<end>
jn orkonden van desen brieue Ghegheuen des manendaghes na sente lossien dach jnt jaer ons heren m ccc ende sessendertich
</end>