Compilatiecorpus Historisch Nederlands 1.0 (CHN): ambtelijke teksten 1250-1800: gouda_1338_1

<begin>
WJ jan volchmaer kerstiaen bruninx soene ende symon floren soen scepene jn der Goude orkonden ende kennen met desen brieue beseghelt met onsen seghelen
</begin>
<main>
dat quam voer ons jan gherarts soene ende lyede dat hi schuldich es heinrich allart soen houdere van desen brieue twintich scellinghe goeder hollants jars an renten eweliken te stane vp siin huis ende erue dat hi heuet ane der verwer brugghe ende heet svans voert alsoe alst daer gheleghen es Ende ghebraech daer ane dat niet goet ghenoech en ware soe heuet jan gherart soene voert ghewilcort dat hem heinrich allart soene voert verhalen mach ane sinen anderen huze ende erue dat hi heuet an den cleywech tuschen coppins schilts ende willems kusers alle jare te betalen vp den meydach met ghelde jof met goeden panden alse recht es van erfrenten
</main>
<end>
jn orkonden van desen brieue Ghegheuen des sonnendaghes vp sente clements auent jnt jaer ons heren m ccc ende achtendertich
</end>