Compilatiecorpus Historisch Nederlands 1.0 (CHN): ambtelijke teksten 1250-1800: gouda_1339_1

<begin>
WJ jan volchmaer arnout paneel ende diederich witten neve scepene jn der Goude orkonden ende kennen met desen brieue besegelt met onsen seghelen
</begin>
<main>
dat quam voer ons willem die kuser ende lyede dat hi schuldich es jonghe florens houtman houdere van desen brieue thien scellinghe goeder hollants jars an renten eweliken te stane vp siin huis ende erue dat hi heuet an den cleijwech ende heuet beleghen met erue [] [erkin] gherart soene vp die nortside ende jan gherart soene vp die suitside alle jare te betalen vp sente lambrechtsdach jn der later goude marcht met ghelde jof met goeden panden alse recht es van erfrenten
</main>
<end>
jn orkonden van desen brieue Ghegheuen des vridages voer palme sonnendach jnt jaer ons heren m ccc ende neghen ende dertich
</end>