Compilatiecorpus Historisch Nederlands 1.0 (CHN): ambtelijke teksten 1250-1800: gouda_1342_1

<begin>
WJ jacob van der goude diederich yden soene ende florens die hount scepene jn der Goude orkonden ende kennen
</begin>
<main>
dat quam voer ons ghertruit pieter claus soens wedue met haren vijf soenen daer die tue of self mondich siin dirch ende claus Ende peter ende symon ende goedevert die monch dese drie leste die en siin [niet] jarich maer si hebben ghewilcort met haer monbars hant Ende lyen dat si schuldich siin ghisebrecht netten soene die een houder es van desen brieue thien scellinghe hollants jof payment dat daer voer gaet jaers an renten Eweliken te stane vp haer alre huis ende erue dat si staende hebben vp der goude Ende heuet beleghen met erue arnt sibrecht soene vp die nortside Ende heinrich breye vp die suitside alle jare te betalen vp sente martins dach jn den winter met ghelde jof met panden alse recht es
</main>
<end>
Ende om dat dit vaste stade sel bliuen soe hebbe wi scepene die voerghenoemt siin desen brief besegelt met onsen seghelen Ende bi den rade van der stede om datter drie kinder onmondich siin Ghegheuen des manendages nae sente peters dach jn gaende lenten jnt jaer ons heren m ccc ende tue ende viertich
</end>