Compilatiecorpus Historisch Nederlands 1.0 (CHN): ambtelijke teksten 1250-1800: gouda_1343_1

<begin>
WJ wouter Spierinch gherart diederix soene ende helmaer Dames soen scepene jn der Goude orkonden ende kennen
</begin>
<main>
dat quam voer ons jacob rosekin ende Suanelt sin dochter Ende lyeden beyden te samen dat si schuldich siin diederich den coch houdere van desen brieue viif scellinghe hollants jars an renten jof payment dat daer voer gaet Eweliken te stane vp haer huis ende erue dat si staende hebben jn tevencoep Ende hebben beleghen met erue diederich claus soen vp die oest side ende willem dirchs soen vp die west side alle jare te [betalen] vp sente odolfs dach met gelde jof met panden alse recht es van erfrenten
</main>
<end>
Ende omme dat dit vaste ende ghestade sel bliuen soe hebbe wi scepene voerghenoemt desen brief besegelt met onsen seghelen Ghegheuen des donres dages vp sente bonefaes dach jnt jaer ons heren m ccc ende drie ende viertich
</end>