Compilatiecorpus Historisch Nederlands 1.0 (CHN): ambtelijke teksten 1250-1800: gouda_1343_2

<begin>
WJ pauwels van ruven gherart diederic soene ende helmaer damaes soene scepene jn der goude orkonden ende kennen
</begin>
<main>
dat quam voer ons jacob diederix soene ende lyede dat hi schuldich es den hospitale van der goude dat houder es van desen brieue thien scellinghe hollants jars an renten eweliken te stane vp siin halue huis ende erue dat hi heuet onderdeel met sinen svagher dat gheleghen es neuens willem des witten vp die nortside van der straete Ende beleghen met der steghe vp die westside Ende vp die oestside heuet beleghen hube ghisen soen met huse ende erue alle jare te betalen vp sente peters dach jn den lenten met gelde jof met panden alse recht es van erfrenten
</main>
<end>
Ende om dat dit waer es soe hebbe wi scepene voerghenoemt desen brief besegelt met onsen seghelen Ghegheuen des manendaghes voer palme sondach jnt jaer ons heren m ccc ende drie ende viertich
</end>