Compilatiecorpus Historisch Nederlands 1.0 (CHN): ambtelijke teksten 1250-1800: gouda_1360_1

<begin>
Wj jan didden soen dirc florens soen ende jacob voppen soen scepene binnen der ghoude oorkonden ende kennen
</begin>
<main>
dat quam voor ons gherret harbaerns soen ende lyede dat hi scoudich js vrederic symans soen een pont hollants buerzeghelts jaers an renten eweliken duerende op ziin huis ende erue dat hi staende heeft an de ghoude ende heeft beleghen miit erue volkaert de smit an de oestzide ende willaem jacob soen an de westzide alle jare te betalen op sinte martiins dach in den winter mit ghelde of mit panden alze recht js van erfrenten
</main>
<end>
Jn kennissen der waerheit soe hebben wi scepene voorscreven dezen brief bezeghelt mit onzen zeghelen ghegheuen op den darden dach in maerte jnt jaer ons heren m ccc ende tsestich
</end>