Compilatiecorpus Historisch Nederlands 1.0 (CHN): ambtelijke teksten 1250-1800: gouda_1361_1

<begin>
Wj rikout ghizebrechts soen gherret jans soen ende jan claes soen scepene binnen der ghoude oorkonden ende kennen
</begin>
<main>
dat quam voer ons dirc ghizebrechts soen ende lyede dat hi scoudich js voppen vrederix soen viiftich scellinghe hollants buerzeghelts jaers an renten eweliken duerende op zijn huis ende erue dat hi staende heeft an de hoechstraet ende hebben beleghen mit erue symoen [bauen] soen an de noortzide ende willaem vriesen kiinder an de zuitzide alle jare te betalen de ene helft op den meye dach ende dander helft op alreheylighen dach mit ghelde of mit panden alze recht js van erfrenten
</main>
<end>
Jn kennessen der waerheit bezeghelt mit onzen zeghelen ghegheuen des sonnen daghes na sinte bonefaes dach jnt jaer ons heren m ccc een ende tsestich
</end>