Compilatiecorpus Historisch Nederlands 1.0 (CHN): ambtelijke teksten 1250-1800: gouda_1361_2

<begin>
Wj rikout ghizebrechts soen gherret jans soen ende heynric jans soen scepene binnen der ghoude oerkonden ende kennen
</begin>
<main>
dat quam voor ons rutgheer rutghaers soen ende lyede dat hi scoudich js coeman arnts kiinder mit gezamenderhant ongesceijden vier pont hollants buerzeghelts jaers an renten eweliken duerende op siin huis ende erue dat hi staende heeft an de twie straet ende hebben beleghen mit erue gherrete van lenen zuitwaerts ende arnt clement soen noertwaers alle jaren te betalen de ene helft op alre heylighen dach ende dander helft op den meye dach mit ghelde of mit panden alze recht js van erfrenten
</main>
<end>
jn kennessen der waerheit bezeghelt mit onzen zeghelen ghegheuen op den tvintichsten dach in junio jnt jaer ons heren m ccc ien ende tsestich
</end>