Compilatiecorpus Historisch Nederlands 1.0 (CHN): ambtelijke teksten 1250-1800: gouda_1361_3

<begin>
Wj rikout ghizebrechts soen gherret jans soen ende jan claes soen scepene binnen der ghoude oorkonden ende kennen
</begin>
<main>
dat quam voor ons gheret van ghinkel ende lyede dat hi scoudich js dirc boudiin drie pont hollants buerzeghelts jaers an renten eweliken duerende op siin huys ende erue dat hi staende heeft ande ghoude ende heeft beleghen mit erue jan de smit an de noortzide ende [douuiin] an zuutzide alle jaere te betalen de ene helft op den meye dach ende dander helft op alreheilighen dach mit ghelde of mit panden alze recht js van erfrenten
</main>
<end>
Jn kennissen der waerheit bezeghelt mit onzen zeghelen ghegheuen des woensdaghes na des heylighen crucis dach [exaltatis] int jaer ons heren m ccc een ende tsestich
</end>