Compilatiecorpus Historisch Nederlands 1.0 (CHN): ambtelijke teksten 1250-1800: gouda_1361_6

<begin>
WJ Gheret jans soen heynric Jans soen ende Jan claes soen scepene binnen der ghoude oorkonden ende kennen
</begin>
<main>
dat quam voor ons costiin Arnt soon ende lyede dat hi scoudich is coeman arnts kinderen achtien scellinghe hollants buerzeghelts jaers an renten eweliken duerende op siin huis ende erue dat hi staende heeft in jans clerx [strate] dat beleghen hebben mit erue jan ockiers soen zuitwaerts ende voppe gheret soen noortwaerts alle jare te betalen de ene helft op den meye dach ende dander helft op alreheylighen dach mit ghelde of mit panden alze recht is van erfrenten
</main>
<end>
Jn kennissen der waerheit bezeghelt mit onzen zeghelen ghegheuen des donresdaghes na onzer vrouwen dach conceptio jnt jaer ons heren m ccc een ende tsestich
</end>