Compilatiecorpus Historisch Nederlands 1.0 (CHN): ambtelijke teksten 1250-1800: gouda_1362_2

<begin>
Wj claes ghoele pieter jan lakenmans soen ende nanne claes soen scepene binnen der ghoude oorkonden ende kennen
</begin>
<main>
dat quam voor ons symoen ghizebrechs soen ende lyede dat hi scoudich js claes ysebrants soen vier pont hollants buerzeghelts jaers an renten eweliken duerende op siin huis ende erue dat hi staende heeft ouer jeghens der stouen ende hebben beleghen mit erue gheret volprechts soen an de zuitzide ende wolfaert ymmekiin soen an de noortzide alle jare te betalen op sinte pieters dach in zulle mit ghelde of mit panden alze recht js van erfrenten
</main>
<end>
Jn kennissen der waerheit bezeghelt mit onzen zeghelen ghegheuen op sinte matthiis dach int jaer ons heren m ccc twe ende tsestich
</end>