Compilatiecorpus Historisch Nederlands 1.0 (CHN): ambtelijke teksten 1250-1800: gouda_1362_3

<begin>
Wj clais ghoele pieter jan lakenmans soen ende dirc kerstants soen scepene binnen der ghoude oerkonden ende kennen
</begin>
<main>
dat quam voer ons jan willaems soen ende lyede dat hi scoudich js symoen loepix soen vier pont hollants buerzeghelts jaers an renten eweliken duerende op siin huis ende erue dat hi legghende heeft in groenendaal an de westezide ende hebben beleghen mit erue jacob [] an de ene zide ende hannekiin bestaerts kiinder an dander zide alle jare te betalen de ene helft op alre heylighen dach ende dander helft op den meye dach mit ghelde of mit panden alze recht js van erfrenten
</main>
<end>
Jn kennissen der waerheit bezeghelt mit onsen zeghelen ghegheuen des darden daghes in meyemaent int jaer ons heren m ccc tuue ende tsestich
</end>