Compilatiecorpus Historisch Nederlands 1.0 (CHN): ambtelijke teksten 1250-1800: gouda_1362_4

<begin>
WJ claes ghoele tedeman Jans soen ende dirc kerstant soen scepene binnen der ghoude oorkonden ende kennen
</begin>
<main>
dat quam voor ons Jan van cleve ende lyede dat hi scoudich is machtelde heynrix dochter viertien scellinghe hollants buerzeghelts jaers an renten eweliken duerende op siin huis ende erue dat hi staende heeft in de coninx strate ende hebben beleghen mit erue jonfrou aliit smeninx wedewe noortwaerts ende jan clement soen ende jacob pelen soen zuitwaerts alle jare te betalen op sinte victoors dach mit ghelde of mit panden alze recht is van erfrenten
</main>
<end>
in kennissen der waerheit bezeghelt mit onzen zeghelen ghegheven des des dinx daghes na oculi int jaer ons heren m ccc twe ende tsestich
</end>