Compilatiecorpus Historisch Nederlands 1.0 (CHN): ambtelijke teksten 1250-1800: gouda_1365_2

<begin>
WJ pieter jan Lakemans soen Ghisebrecht van dobben ende Matthiis Scoters soen scepen binnen der ghoude orkonden ende kennen
</begin>
<main>
dat voer ons quam machtelt gheret dammaes soens dochter met haren ghecoren voecht ende liede dat si scoudich is Gheyen volprechts soen tien scellinghe hollants buerzeghelts des jaers an renten eweliken durende op haer huus ende erve dat si staende heeft in die oude delle ende beleghen hebben met erven dirc slupic an die oestzide ende syman hughen soen an die westzide alle jaer te betalen op den meye dach met ghelde of met panden als recht is van erfrenten
</main>
<end>
In kennessen der waerheyt bezeghelt met onsen zeghelen Ghegheuen op den tyenden dach in zulle Int jaer ons heren dusent drie hondert viif ende tsestich
</end>