Compilatiecorpus Historisch Nederlands 1.0 (CHN): ambtelijke teksten 1250-1800: gouda_1365_3

<begin>
WJ harman kerstynen soen dirc Kerstants soen Ende Jacob claes soen Scepene binnen der goude orkonden ende kennen
</begin>
<main>
dat quam voer ons Gheret die meester ende lyede dat hi scoudich is Jan stouen twee ende dertich scellinghe hollants buerse ghelts jaers an renten Eewelyken staende op dat huus ende erue dat gheleghen is in die steghe tuschen rosendaelre strate Ende der vesten twee roeden breet Ende beleghen hebben met erven willam dirx soen an die west zyde Ende Jan Stoue zelue op die oest zyde alle jaer te betalen die een helft op alreheylyghen dach Ende die ander helft opten meye dach met ghelde of met panden alse recht is van erfrenten
</main>
<end>
Inkennnessen der waerheyt soe hebben wi Scepene voerscreven desen brief bezeghelt met onsen zeghelen Ghegheuen opten eersten dach jn september Jnt jaer ons heren dusent drie hondert viue ende tsestich
</end>